02 - Hikayat Akhbarul Karim

Hikayat Akhbarul Karim karangan ulama al fadhil Teungku Seumatang, ulama Aceh ghafarallahu wa jami'ul muslimin
Amiinn..

B

بسم الله الرحمن الرحيم

اخبارالكريم لن چاليترا

اول واجب بك مكلف

مڠوچڤ شهادة كليمة دوا

شهادة توحد شهادة رسول

دالم اصول ظاهير ڽتا

اشهد ان لا اله الا الله

و اشهد ان محمد رسول الله

كوئيك سقسي ڤو كو توهن

هنا سابن مثل همبا

هنا جارو هنا ݢاكي

مها سوچي الله تعالى

Bismi l-lahi r-rahmani r-rahim

Akhbaru l-karim ion calitra

Awai wajeb bak mukallaf

Meungucap syahadat kaiimah dua

Syahadat tawhid syahadat Rasul

Dalam usul lahe nyata

Asyhadu an la ilaha illa l-lah

Wa asyhadu anna Muhammada r-rasulu l-lah

Kuek saksi Poku Tuhan

Hana laen seubagoenya

Zat ngon sifeuet na bak Tuhan

Hana saban miseue hamba

Hana jaroe hana gaki

Maha suci Allah Ta'ala

Kuek saksi Nabi Muhammad

Peusuroh jeuep alam donya

Suroh Tuhan bak jen ensan

Troh bak ikan nyang me donya

Bak binatang kayee bate

Troh pangulee keupadanya

Nabi Muhammad aneuk Abdullah

Di nanggroe Makah asai mula

Kusyik geuhei Abdul mutalleb

Bangsa Arab Nabi mulia

Maneuh geuhei Siti Aminah

Siti Halimah nyang peulara

Nyan nyang pumom Rasulullah

Meunan peuneugah dum ulama

Rupa Nabi sangat indah

Siulah-ulah buleuen purnama

Soe nyang pandang mata ladat

Pangsan rakyat jieu rupa

Kuletneuh puteh meujampu mirah

Siulah-ulah ban bungong jeumpa

Lama peuet ploh thon neudong di Makah

U Madinah teuma neubungka

Teutap Nabi di Madinah

Peurintah Allah Azzawajalla

Neu 'ibadat hana khali

Neuprang kafe hana reuda