AL BAQARAH LEUMO INONG - البقرة لومو اينوڠ


بِسْمِ اللَّهِ الرَّحْمَٰنِ الرَّحِيمِ
Ngon Nama Allah lon peuphon surat 
Tuhan Hadharat nyang Maha Murah 
Tuhanku sidroe geumaseh that-that 
Donya akhirat rahmat Neulimpah 

 الم (١)
AlifLam Mim 


 ذَٰلِكَ الْكِتَابُ لَا رَيْبَ ۛ فِيهِ ۛ هُدًى لِّلْمُتَّقِينَ  (٢)
Tuhan nyang teupue meukeusud ayat 
Sabab Hadharat hana Neupeugah 
Teuma Neupeugah nyan keuh nyang kitab 
Peutunyok meuhat keu hamba Allah 

الَّذِينَ يُؤْمِنُونَ بِالْغَيْبِ وَيُقِيمُونَ الصَّلَاةَ وَمِمَّا رَزَقْنَاهُمْ يُنفِقُونَ (٣)




Hana peue tachok peutunyok meuhat
Keu soe nyang ta'at takwa keu Allah
Dum geumeuiman bah han geulihat
Peucaya that-that nyang Tuhan peugah

 وَالَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالْآخِرَةِ هُمْ يُوقِنُونَ  (٤)



Pubuet seumbahyang geubri ngon zakeuet
Raseuki meuhat Neujok le Allah 
Lom geumeuiman keu bandum kitab 
Nyang tron dum meuhat nibak Potallah 


 أُولَٰئِكَ عَلَىٰ هُدًى مِّن رَّبِّهِمْ ۖ وَأُولَٰئِكَ هُمُ الْمُفْلِحُون (٥)





Nyang tren keu gata wateenyoe meuhat

Meunan cit kitab nyang dilee leupah
Lom pih geuyakin uroe akhirat
Ureueng nyan meuhat peutunyok Allah

 إِنَّ الَّذِينَ كَفَرُوا سَوَاءٌ عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لَا يُؤْمِنُونَ (٦) 

Peutunyok bak Po keu gopnyan meuhat
Mubahgia that hana peue peugah
Teuma di kaphe di jih saban that
'Oh tapeuingat di jih jibantah 

  خَتَمَ اللَّهُ عَلَىٰ قُلُوبِهِمْ وَعَلَىٰ سَمْعِهِمْ ۖ وَعَلَىٰ أَبْصَارِهِمْ غِشَاوَةٌ ۖ وَلَهُمْ عَذَابٌ عَظِيمٌ(٧) 

Han tapeuingat got tapeuingat 
Di jih cit batat tungang sileupah 
Han jimeuiman akan Hadharat 
Ate ka Neucap di jih le Allah 

Pendengaran jih pih cit ka 
Neucap Mata jih meuhat 
Neutop le Allah Keu jih dum teuma azeub raya that 
Meunan Hadharat ka lheuh Neupeugah


  وَمِنَ النَّاسِ مَن يَقُولُ آمَنَّا بِاللَّهِ وَبِالْيَوْمِ الْآخِرِ وَمَا هُم بِمُؤْمِنِينَ(٨) 

Teuma na insan nyang ladom meuhat 
Jikheun di jih that iman keu Allah 
Lom jimeuiman uroe akhirat 
Tapi sulet that narit jipeugah 


  يُخَادِعُونَ اللَّهَ وَالَّذِينَ آمَنُوا وَمَا يَخْدَعُونَ إِلَّا أَنفُسَهُمْ وَمَا يَشْعُرُونَ(٩) 

Hana meu iman jih nyan dum meuhat
Jikheun ibarat jitipee Allah 
Ureueng meuiman sang-sang bangai that 
Bandum jipeungeut meunan jipeugah


  فِي قُلُوبِهِم مَّرَضٌ فَزَادَهُمُ اللَّهُ مَرَضًا ۖ وَلَهُمْ عَذَابٌ أَلِيمٌ بِمَا كَانُوا يَكْذِبُونَ(١٠)

Padahai di jih tipee droe meuhat
Hana jitupat droejih nyang salah 
Dalam ate jih peunyaket sisat 
Neutamah lom brat keu jih le Allah

Neutamah saket keu jih leubeh brat 
Azeub peudeh that keu jih Neukeubah 
Sabab jih sulet narit nyang sisat 
Nyang jeut meukarat azeub sileupah


  وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ(١١)

'Oh geukheun bak jih bek pubuet jeuheut
Jijaweub ligat kamoe jroh leupah
  أَلَا إِنَّهُمْ هُمُ الْمُفْسِدُونَ وَلَٰكِن لَّا يَشْعُرُونَ(١٢)
Beu na tateupue bit jih buet jeuheut
Hana jitupat droejih nyang salah

 وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ ۗ أَلَا إِنَّهُمْ هُمُ السُّفَهَاءُ 
وَلَٰكِن لَّا يَعْلَمُونَ (١٣)
'Oh geuyue iman jih keu Hadharat
Lagee dum rakyat iman keu Allah
Peue iman kamoe jijaweub ligat
Lagee sibatat jeuheut sileupah


 وَإِذَا لَقُوا الَّذِينَ آمَنُوا قَالُوا آمَنَّا وَإِذَا خَلَوْا إِلَىٰ شَيَاطِينِهِمْ قَالُوا إِنَّا مَعَكُمْ إِنَّمَا نَحْنُ 
مُسْتَهْزِئُونَ (١٤)
Beu na tateupue jih keuh si batat
Hana jitupat droejih nyang salah
Watee meureumpok awak nyan meuhat

Deungon dum rakyat iman keu Allah 

Jikheun kamoe pih meuiman that-that 
Tapi sulet that narit jipeugah 
'Oh watee jiwoe bak rakan sahbat 

Chetan dum meuhat jikheun beurakah


  اللَّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ (١٥)

Kamoe peuulok awak nyan meuhat
Tanyoe meusapat hana meusiblah
Tuhan peubiyeu jih nyan lam sisat

Ulok jih meuhat akan Neubalah


أُولَٰئِكَ الَّذِينَ اشْتَرَوُا الضَّلَالَةَ بِالْهُدَىٰ فَمَا رَبِحَت تِّجَارَتُهُمْ وَمَا كَانُوا مُهْتَدِينَ (١٦)

Jiboh peutunyok jibloe nyang sisat 
Rugoe meuneukat jih that sileupah 
Hana peutunyok keu jih nyan meuhat 
Miseu jih teupat Neuboh le Allah



ڽن كوتيڤن القرآن الكريم لم بهس اچيه ؤليه تڠكو محيدين يوسف
Nyan kutipan Al-Qurán Al-Karim lam bhasa Acèh  lé Tgk H. Mahyiddin Yusuf (Tgk. H. Mahjiddin Jusuf) Surah Al-Baqarah Ayat 1 - 16.




Post a Comment

0 Comments