حكاية وافت ستي فاطمه -٣

تمر ڽڠ اينوڠ ڽڠ ڤهون فاطمه * زينب رقيه سيلموڠ دوا
أمي كلثوم مهت يڠ تولوت * زينب مسا چوت منڠݢل دنيا
علي مكاوين دڠن فاطمه * مسا دمكه ݢوه لوم نبوڠكر
عسمان مكاوين دڠن روقية * ڤيه چيت د مكه تانوه موليا
هنا تريب تمر وافت رقيه * نابي ڤنيكاح كالي كدوا
نڤولڠ بالي ڠن أمي كلثوم * هنا ڤدوم تهون وافت لوم تمر
تڠݢل فاطمه لائين هنا لي * انق بوه هاتي سيد الأنبياء
تلس وافت نبي تمر لي دودوي * نم بولن سمڤوى فاطمه زهرا
دوا بوه انق چوت ڤوتيه ليچين * حسن ڠن حسين أوبيت ݢوه رايا
انق د علي بك أينوڠ لائين * هنا هي ڤوليم اولن چاليترا
اورو كسبلس بولن رمضان * نيبك سڤوتڽن كالڤس عصر
نچوق ڠن تيما نبا دڠن أير *  چيت منن سابي ديلي يڠكا٢
نبا ڠون انق لاجو ݢڤتوى * مسيݢوى٢ تكا بندوا
تدوڠ انق د أتس باتي * نڤلي د أولي ڤو باسه موكا

(٣)

Post a Comment

0 Comments