حكاية وافت ستي فاطمه - ٦

نتاؤق انق بندوا سيݢوي * ادون ڠن ادوى لاجو لي تكا

نكهون بك انق ساجن يوى چوڤية * بندا تساكيت ؤى بيجيه متا

أولن هي أنق مالم ڽوى وافت * ݢتا منتوڠ چوت لون ڤابن تما

ݢتا أوبيت٢ ڤوما هنا لي * انق بوه هاتي كا منن قدر

أولن توڤڠݢل بك رحمة الله * ݢتا بيك سوسه ؤي بيجه متا

ݢتا لون سراه بن حكم الله * مدوق ڠن أيه سيأت داڠ رايا

رهسيا بك لون بندوم كا لمه * يا رسول الله بنوي نتكا

نڤݢه بكب لون كا جد مكمه * جنجي بك الله كا تروس كوتكا

اولن نجك توڠ لي رسول الله * هنجد تا أوبه مڠ سيكليڤ متا

ݢتا ؤي أنق لون تڠݢل سيئت * منن أمانه رسول أنبياء

بك لوي صلوة كرسول الله * كمأ ڠن أيه بك لوى تهت دوعا

ݢتا ؤي انق لون سراه بك الله * داڠ ٢ متواه تاستوج ڤوما

عوهبن ندڠر ڤناسين منوي * سديه هن باݢي أنق بندوا

(٦)