( باب الحج )
( Bab Haji )
سى نا ڬتا يڠ كواسا فبوة حج
Soena gata nyang kuwasa pubuet haji باب سكورڠ نم تابيلڠ ركن حج
Bab sikureueng nam tabileueng rukon haji
لڠكر لوار كعبه توجه ين كاديلو
Lingka luwa K’akbah tujoh nyanka dilee يڠ فهون تانية دوا وقوف طواف كلهو
Nyang phon taniet dua wuquf thawaf keulhee
ليمڠ چوكر نم مأتور بئ نا أوبه
Limong cuko nam meuato bekna ubah كفت سعى دصفا فهن أو مروه
Keupeuet sa’i di Shafa phon u Marwah
( باب واجب الحج )
( Bab Wajeb Haji )
اكن اديق يڠنا توفيق نايك حج
Akan adek nyang na taufiek naik haji باب كسبلس كفدس شى واجب حج
Bab keu siblah kupeudeuh syoe wajeb haji
مزدلفه ستڠه أخر مالم بندوم
Muzdalifah siteungoh akhe malam bandum يڠ فهن تانية نبك ميقات دوا تادوم
Nyang phon taniet nibak miqat dua tadom
كفة كسروم جمره بندوم اورڠ يڠنا
Keupeuet geusrom Jumrah bandum ureueng nyang na مالم سفوله بولن حج لهو دوم مينا
Malam siploh buleuen Haji lhee dom Mina
ليمڠ بئ روه يڠ كتكه يڠ كاديلو
Limong bek roeh nyang geuteugah nyangka dilee دالم اورى رايا اورى تشريق يڠ لهو
Dalam Uroe Raya uroe Tasyrek nyang lhee
(باب سنن الحج)
Bab Sunat Haji
دالم دوا احرام اكن يڠ تم طا عة
Dalam 2 Ihram akan nyang tem ta’at باب كدوا بلس كفكه فرى يڠ كسنة
Bab keu 12 geupeugah proe nyang keu sunat
دوا سنة دوا ركعة سمبهيڠ احرام
Dua sunat 2 rakaat seumayang Ihram يڠ فهن سنة مندى ديلو نبك احرام
Nyang phon sunat manoe dilee nibak Ihram
تلبيه فت صلواة ليمڠ كهن مدرو٢
Talbiyah 4 seulaweuet 5 kheun meudro-dro لهو فكاين فو تيه يڠ جروه لاڬى بارو
Lhee peukaian puteh nyang jroh lagi baro
لندوڠ نبك كافر كفر زنديق نفاق
Lindong nibak kaphe kufo zendek nifak لا كو أمفون جروه عاقبة توبة با ۑق
Lakee ampon jroh ‘akibat taubat banyak
نبرى توفيق بك لن فبوت عمل صالح
Neubri taufiek bak lon peubuet ‘amai saleh وهي فولن نبرى كلن عمل صالح
Wahe Polon neubri keulon ‘amal saleh
موده سكرة وتو موت جروه خاتمه
Mudah sukreuet watee mawot jroh khatimah نبرى كلن عمل خالص توبة انداه
Neubri keulon ‘amal khaleh taubat indah
لوم كماسيه عاديل ساعة رحمة ليمفه
Lom geumaseh ade sangat rahmat limpah
نفاأمفون كامى بندوم درين موراه
Neu peuampon kamoe bandum droenyan murah
صلوة سلام أتس نبي صحبة وارث
Seulaweuet saleuem ateueh Nabi sahbat wareh فوجى توهن يڠ موراهن لوم كماسيه
Pujoe Tuhan nyang murahan lom geumaseh
تا ڠر أولن فكه أوراڠ كارڠ نظم
Tango ulon peugah ureueng karang Nadham دان بركات يڠ مۑا لين كالن ختم
Dan beureukat nyang meunyalen kalon khatam
يڠ تهت عالم لا كى صالح فراغى حليم
Nyang that ‘alem lagi saleh peurangui halim يڠ كمارڠ شيج عبد الله بن ابرهيم
Nyang keumarang Syekh ‘Abdullah ben Ibrahim
يڠ مشهور ككهن تغكو جهيق در يبو
Nyang meusyuhu geukheun Teungku Chiek Di Reubee دان يائت شيخنا يڠ لقب تنتو
Dan yaitu Syaikhuna nyang laqab teuntee
وتو ماتى بسلامة ايمان كامى
Watee mate beuseulamat Iman kamoe
ياتو هنكو ڠن بركت شيخنا يى
Ya Tuhanku ngon beureukat Syaikhuna nyoe
وصلى ا لله على سيد الأنام
و آله وصحبه مصا بيح
الظلام آمين
---------------------------------
Geusalen Le Tgk TA Sakti
0 Comments