Nazam Aceh - Bab Seumayang

باب سمبهيڠ
Bab Seumayang 

 
فهون قلبي دوا قولى     فعلى كلهو

Phon qalbi dua qauli f’ikli keulhee

ترتيب بندوم ركن لهوبلس ڬبهڬى لهو 

Teurtib bandum rukon lhee blah geubagi lhee

جن تكبير لوم لم دوق داڠ بئنا بمبڠ

Jan takeubi lom  lam duek dong  bekna  bimbang

يڠ قلبى ايڠت هاتى لن سمبهيڠ    

Nyang qalbi ingat hate lon seumayang

تكبير فهن فاتحه دوا كهن بكنڠ

Takeubi phon fatihah dua kheun beukeunong

ركن قولى بوتن ليده بهڬى ليمڠ    

Rukon  qauli buettan lidah bagi limong

ركن فعلى بوة اڠڬوتا توجه تمام

Rukon f’ikli buet angauta tujoh tamam

كلهو تحية فت صلواة  ليمڠ سلام 

Keulhee tahyeut peuet seulaweut limong saleum           

كفة سجود ليمڠ دوق لهس سجود اوال

Keupeuet sujud limong duek lheueh sujud awai

يڠ فهن تاداڠ دوا ركوع لهو اعتدال

Nyang phon tadong dua ruk’uk lhee ‘iktidai 

دڠن سلام كانن كيرى كأروڠ دوم

Deungon saleum kanan kiri keu ureueng dum

نم دوق تحية أخير توجه ترتيب

Nam duek tahyeut akhe tujoh teurtib        

جن ڠن انسان كل ڠن ليكوة ويل ڠن اونون

Jen ngon insan keue ngon likot wie ngon unun

ملائكة بندوم تمفت دوا مؤمين   

Malaikat bandum teumpat dua mukmin        

نية جن سلام سمبهيڠ ليمڠ معرج أومة

Niet jan saleum seumayang limong mekreut umat

حرم دڠن احرم دوم فوى كلواذ سنة 

Hareum deungon ihram dumpeue keuluaz sunat(?)


---------------------------------
Geusalen Le Tgk TA Sakti