( بحث سيفله فر كارا معصيت هاتي دان سيفله فر كارا طا عت هاتي )
(Bhah 10 Peukara Maksiet Hate dan 10 Peukara Taat Hate)
فر ينته طاعت دڠن معصية أولن بيان
Peurintah ta’at deungon maksiet ulon bayan خاتمه يى ناسابوه كسداهن
Khatimah nyoe na saboh keusudahan
لم أربعين منن نكهن لى غزالى
Lam Arba’in meunan neukheunle Ghazali معصيت باطن نا سيفله فوى بتا تورى
Maksiet baten na 10 peue beuta turi
سيكال٢ بئ جيبر ى راب أوبك توبه
Seukali kali bek jibri rab ubak tuboeh واجب أتس دوم مكلف جفا جيئوه
Wajeb ateueh dum mukallaf ji peujeuoh
ڬمر اكن ممايق ما كنن لذات
Geumar akan membanyak makanan lazat فرتام فهون شره الطعام يعنى ساڠت
Peurtama phon syarah Tha’am nyakni sangat
دنيا آخرة تن فائده ين يڠ مكريت
Donya akhirat tan faidah nyan nyang meugriet يڠكدوا شره الكلام لا تهت ناريت
Nyang keu 2 syarah Kalam le that narit
كفة حسد دڠكى صحبة هات كتا
Keu 4 Hasad deungki sahbat hate gata كتلو غضب يعنى مره فراڠى كتا
Keu 3 Ghadhab nyakni marah peurangoe gata
يڠ كانبرى دوم كهمبالى حضرة
Nyangka Neubri dum keu hambale Hadlarat يعنى بنچى هات كتا كنعمت
Nyakni banci hate gata keu niekmat
كنم كاسه كمڬاهن دالم دنيا
Keu 6 gaseh keu meugahan dalam donya كليمڠ كريت سرت كاسه كأرتا
Keu 5 kriet seurta gaseh keu areuta
ين كفالا كجهاتن كهن محمد
Nyan keupala keujahatan kheun Muhammad يڠ كتوجه كاسه كدنيا بتا ايڠت
Nyang keu 7 gaseh keu donya beuta ingat
اتس مخلوق توهن اسا دوم بارڠسى
Ateueh makhluk Tuhan Asa dum barangsoe يڠكلافن تكبر كتا فرايك درى
Nyang keu 8 Teukabo gata peurayek droe
سڠ تن لائن لا ڬو كتا دالم نڠڬرى
Sang tan laen lagee gata dalam nanggroe سيكورڠ عجب يعنى حيران كتا كدرى
Sikureueng ‘Ujob nyakni hireuen gata keudroe
كن تفوبوة سمتا ٢ كارن الله
Kon tapeubuet simata mata kareuna Allah سيفله ريا فو بوت عمل تن اخلاص
Siploh Riya peubuet ‘amai tan ikhlas
سفاى جد ڠن سبب ين كفو مليا
Supaya jeuet ngon sabab nyan geupeu muliya بك مخلوق تفا لمه عمل كتا
Bak makheuluk ta peuleumah ‘amal gata
واجب تابس ين سيفله ين دوم بها بس
Wajeb taboih ban 10 nyan dum beuhabeh
ينك سيفله معصية باطن فراڠى خبيث
Nyankeu 10 maksiet baten peurangoe khabes
هاتى كتا بك معصيت ين تفا سوچى
Hate gata bak maksiet nyan ta peusuci
واجب توبة بك معصية ين دوم هى أخى
Wajeb Taubat bak maksiet nyan dum he akhi
يعنى صفت فراڠى كتا كفو جين
Nyakni sifeuet peurangoe gata keu pujian طا عت باطن ناسيفله فوى ڠرلن بيان
Ta’at Baten na 10 peue ngo lon bayan
بتافا سى دوم صفت ين دالم هاتي
Beuta pasoe dum sifeuet nyan dalam hate واجب ڠن ين تمصيفة دوم تسا رى
Wajeb ngon nyan ta meusifeuet dum teusare
جوة ڠن رايك ظا هر بطن بارڠكا جن
Cut ngon rayek lahe baten beurang kajan فرتام توبت نبك دوشا سكلين
Peurtama Taubat nibak deesya seukalian
تڠڬل معصيت سكلين يڠفر تاما
Tinggai maksiet sekalian nyang pertama ڠن لهو شرط صح تا تو بت كهن علما
Ngon 3 syarat sah tataubat kheun ulama
كتلو جيتا هن ريواڠ لى سيلاما عمر
Keu 3 cita han riwangle silama umu
يڠكدوا مۑسل تهت بوت يڠلا لو
Nyang keu 2 meunnyeusai that buet nyang lalu
هات كنده سنتوق سابى رواير متا
Hate gundah seuntok sabe ro ie mata كهن استغفار دڠن ليده جف كتيكا
Kheun Istighfar deungon lidah jeuep kutika
لا كو معاف مڠيو هنئك تبا ير يوم
Lakee meu’ah meunyo han ek tabayeue yum فوى ناحق كوب أتس ڬتا فو لڠ بندوم
Peue na hak gob ateueh gata pulang bandum
جنى بك سج لن فر يواڠ فر كتان
Jinoe bak soj lon peuriwang peurkataan
به سيدومنن فرنته توبت وهى تولن
Bah sidumnan peurintah Taubat wahe taulan
فو بوت سوره ڠن فجيئوه لارڠ دومنا
Peubuet suroh ngon peujeuoh larang dumna كدوا خوف يعنى تكوت كربنا
Keu 2 Khauf nyakni takot keu Rabbana
كفت صبر أتس حكم توهن سيدرى
Keu 4 saba ateueh hukom Tuhan sidroe كتلو زهد بنچى هاتى كدنيا يي
Keu 3 Zahed banci hate keu dunia nyoe
فجيئوه معصية بتهة نفسوجى ڬالق تهة
Peujeuoh maksiet beuthat nafsu ji galak that فوبوت طاعة ظاهر باطن بتهة بو براة
Peubuet ta’at lahe baten beuthat beubrat
هارف فهلا نبك توهن فو يڠ اسا
Harap pahla nibak Tuhan Po Nyang Asa نبك بلا سكلين بتا صبر
Nibak bala seukalian beuta saba
ميلك الله فو يڠ اسا دڬتا تن
Milek Allah Po Nyang Asa digata tan ليمڠ شكر فنداڠ نعمة سكلين
Limong Syuko pandang niekmat seukalian
يڠ تفوبت سمتا ٢ كارن توهن
Nyang ta peubuet simata mata kareuna Tuhan نم اخلاص نبك عمل سكلين
Nam Ikhlas nibak ‘amal seukalian
بن يڠ كهنداق كتا يى همبا نفر ينته
Ban nyang kheundak geutanyoe hamba Neu peurintah توجه تو كل تفا سره درو أوبك الله
Tujoh Tawakkal tapeu srah droe ubak Allah
علامت محبه ڬاسه رسول فڠهولو كيتا
‘Alamat Mahabbah gaseh Rasul Panghulee kita لافن محبه بتا ڬاسه توهن أسا
Lapan Mahabbah beuta gaseh Tuhan Asa
ظاهر بطن بن شريعت هنا أوبه
Lahe baten ban Syari’at hana ubah
ڬاسيه كرسول فوبوة سوره فجيئوه تڬه
Gaseh keu Rasul peubuet suroh peujeuoh teugah
تفڬه ڬاسيه أمر نهى تفوبوة تن
Ta peugah gaseh amar-nah’i ta peubuet tan مڠ تن منن سوليت ڬتا وهى تولن
Meungtan meunan sulet gata wahe taulan
تن اعتر اض كبوتن فو سكلين
Tan ‘Iktiradh keu buettan Po seukalian
سكورڠ رضا هات ڬتا قضا توهن
Sikureueng Ridha hate gata Qadla Tuhan
سكرت موت عذاب قبور بتا فيكير
Sukreuet maw’ot adeup kubu beuta pike
يڠ كسفوله بتا ايڠت ين كما تى
Nyang keu 10 beuta ingat nyang keu mate
سكلين بتا ايڠت بيئنا خالى
Seukalian beuta ingat bekna khali
بهيا قيامت يڠ نفڬه أوليه نبى
Bahya kiyamat nyang Neu peugah uleh Nabi
دڠن تنجوك سرت تولڠ رب العزة
Deungon tunjok seurta tulong Rabbul ‘Izzat الحمد لله كا سمفرنا يڠ لن قصد
Alhamdulillah ka samporeuna nyang lon kasad
بحر الرجز حفظ ماڠة كنوڠ را ڬم
Bahrul rijaz hafai mangat keunong ragam طاعت هات معصية هاتى لن فنظم
Ta’at hate maksiet hate lon Peunadham
كمحمد فوجنجوڠن وارث ساجن
Keu Muhammad Pujanjongan wareh sajan رحمة سلام دڠن بر كت سكلين
Rahmat saleuem deungon beureukat seukalian
كنن رحمة بيئنا فتوس نكارنيا
Keunan rahmat bekna putoih Neu karonya لوم كصحبة ڠن يڠ ايكوة بك ا ڬما
Lom keu sahbat ngon nyang ikot bak Agama
نفأمفون هى توهنكو يڠتهت غنى
Neu peuampon he Tuhanku nyang that ghani دوشا فقير ڠن بركت نظم انى
Deesya Fakir ngon beureukat Nadham ini
ايمان تتف دالم دادا هڠڬا فا ڬى
Iman teutap dalam dada hingga page نبرى توبت يڠ نصوحا يوه ڬوه ماتى
Neubri Taubat nyang nashuha yoh goh mate
ڠن شفاعت محمد يڠ آخر زمان
Ngon syafa’at Muhammad nyang akher zaman كلمه طيبة نبرى سده فر كتأن
Kalimah Thaiyibah Neubri sudah peurkataan
تهن سريبو لهو رتس فة فله باتفهم
Thon siribee lhee reutoh peuet ploh (1340 H) beuta pham بك دوا فوله ربيع الأول تمت نظم
Bak 20 Rabiul Awal tamat Nadham
دڠن توفيق توهن اسا فوحضرة
Deungon taufiek Tuhan Asa Po Hadlarat
ڬمفوڠ كداه كوة رجا نما تمفت
Gampong Keudah Kuta Raja nama teumpat
والحمد لله رب العا لمين
Wal hamdu lillahi Rabbil ‘Alamin
---------------------------------
Geusalen Le Tgk TA Sakti
0 Comments