RUMUIH HARAH
بسم الله الرحمن الرحيم
سنن محمفون جنس أسْمَا دڠن صِفَاتْ
Sinan meuhimpon jeuneh Asma deungon Sifat (ألِفْ) الله ۑن اشارة نما اسم ذات
(Aleh) Allah nyan isyarah nama Isem Zat
ۑتا توهن خَالِقُ الْعالمَ ددالم ۑن
Nyata Tuhan Khaliqul ‘alam didalam nyan سى يڠ تيلك دڠن ذِهِن بك اسم ۑن
Soe nyang tilek deungon zihen bak Isim nyan
يڠ مصفة دڠن جميل كائلؤ كن
Nyang meusifeuet deungon Jamil keu elokan (ب) اشارة بَهاَءُ لله بائك توهن
(Ba) isyarah bahaullah bayek Tuhan
سكالى ٢ مها سوچى توهن يڠ اسَا
Sikali kali maha suci Tuhan Nyang Asa
هنا بنديڠ ڠن تلادان موتا فسَا
Hana bandeng ngon teuladan meita peusa
ظاهرباطن رجوع بك توهن كتاڽوهمبا
Lahe baten ruj’uk bak Tuhan geutanyoe hamba (ت) اشارة تَوْبَة بك الله نبك دوشا
(Ta) Isyarat taubat bak Allah nibak deesya
ماس هيدوف كهلوم تالوب دالم جرات
Masa hudep gohlom talob dalam jeurat
تاۑسل درى يوه ڬوه تتوف فنتو توبة
Ta nyeusai droe yoh goh teutop pinto taubat
أوليه توهن دوم عمل صالح تا كرجا
Uleh Tuhan dum ‘amal saleh ta keureuja (ث) ثَوَابْ بتهت هارف نبرى فهلا
(Tsa) tsawab beuthat harap neubri pahla
ايڠت كدوشا بك آخر ماس دودو مكريت
Ingat keu deesya bak akhe masa dudoe meugriet بئ مكوريس دالم ذِهنْ فوبوة معصية
Bek meugureh dalam zihen peubuet maksiet
تهت اماره سى يڠ بنته بك سورهن
That amarah soe nyang bantah bak surohan (ج) جَلَّ الله ۑن اشارة كبا سران توهن
(Jim) Jalallah nyan isyarah keubeusaran Tuhan
بئ فجاته نجس بك توبه معصية كتوهن
Bek peujatoeh najih bak tuboeh maksiet keu Tuhan ايڠت ٢ جلال توهن هى بديمان
Ingat ingat jalal Tuhan he budiman
كتاڽى همبا نبرى كارنۑا فى يڠ حاجة
Geutanyoe hamba neubri karonya peue nyang hajat (ح) حَليم توهن كريم كما سه نتهت
(Ha) Halim Tuhan karim geumaseh neu that
يڠدرهكا تمر نشكسا فا كى دودى
Nyang darohaka teuma neu syeksa page dudoe لوم نصبر هن نعذاب لم دنيا ۑى
Lom neu saba han neu adeup lam donya nyoe
نبڠكيت نبى سى فتورى جالن عبادة
Neu bangket Nabi soe peuturi jalan ibadat (خ) خَلِيفَهْ فوتالله ڬنتى بك أومة
(Kha) Khalifah Poteu Allah gantoe bak umat
نكبه ڬنتى نبي دودى شيخ علماء
Neukeubah gantoe Nabi dudoe syiyah ulama نابئ سيست دوم كتاۑى أومة دومنا
Nabek sisat dum geutanyoe umat dumna
هن تريب لَما دوق لم دنيا فيوه سكجف
Hantreb lama duek lam donya piyoh sikeujab (د) دنياۑى سيكرا هيلڠ بئ تهت عجب
(Dai) Donya nyoe sigra hilang bek that ‘ajab
مسَا جنى بئ جد دودى تمر مۑسل
Masa jinoe bek jeuet dudoe tameu nyeusai يڠ كتنتوت بك كتاڽى ميتا بكل
Nyang geutuntut bak geutanyoe mita beukai
مولا فهون جادى نبك ائر هاۑى توهن فينا
Mula phon jadi nibak ie hanyi Tuhan peuna (ذ) ذَلِيلْ بتا كتهوى درى تهينا
(Zai) Zalil beuta keutahwi droe teuhina
نبك يڠلائن تاسيديك فانى أصل مولا
Nibak nyang laen tasidek pane asai mula ايڠت فوليم بئ وهم درى لبه كتا
Ingat Polem bek waham droe leubeh gata
نبك توهن كسو كأن داتڠ بَلاَ
Nibak Tuhan keu sukaan datang bala ( ر ) رِضْوَانُ كرضأن بن يڠ قضا
(Ra) Ridhwan keu ridhaan ban nyang qadla
فرنته توهن هنا جالن تامُخَا لَفَهْ
Peurintah Tuhan hana jalan ta mukhalafahu بئنا سوسه بتا تهو درى لم قَبْضَهُ
Bekna susah beuta thee droe lamqabdlahu
نبك صفة دوم يڠ جهت ٢ يڠ كبنچى
Nibak sifeuet dum nyang jeuheuet nyang geubanci ( ز ) زَكيهْ ين اشاره درى بسوجى
(Zoe) Zakiah nyan isyarah droe beusuci
ظاهر باطن كأدم بيك تابڠيه
Lahe baten keu Adam bek tabeungeh
مثل عجب سمعه رياء دڠكى كوعه
Miseue ‘ujob sumeu’ah riya deungki ku’eh
دنيا أخرة توهن برى رحمة مكندا ٢
Donya akhirat Tuhan bri rahmat meuganda-ganda ( س ) سلامة دومنا أومة بسجهترا
(Sin) Seulamat dumna umat beusijahtra
نبى محمد نفجد أومة أورڠ مبهڬيا
Nabi Muhammad neu peujeuet umat ureueng meubahgia توهن كرنيا فڠكت لبه سبب مليا
Tuhan karonya pangkat leubeh sabab mulia
كرنيا لا تهت نبك حضرة كهمبا الله
Karonya lethat nibak Hadlarat keu hamba Allah ( ش ) تاشُكُرْ دوم كتابى كفوت الله
(Syen) Tasyuko dum geutanyoe keu Potallah
نبرى معرفة جالن كنل ذات توهن رحمن
Neubri makrifat jalan keunal Zat Tuhan Rahman نفجد ڬتاۑى نبك عدم مَحَضُ ديلوتن
Neu peujeuet geutanyoe nibak ‘adam mahadlu dilee tan
نامڠ سمفى كدوم كتاۑى بسر فهلا
Nameung sampoe keudum geutanyoe besar pahla ( ص ) تاصبر دوم كتاۑى نبك بَلَا
(Shad) Tasaba dum geutanyoe nibak bala
فاتوت نحكم بن يڠ كهنداق نفرنته
Patot neu hukom ban nyang kheundak neu peurintah ايڠت كدرى دوم كتاۑى مِلِك الله
Ingat keudroe dum geutanyoe milek Allah
( ض ) ضَلَالَةُ نفا سيست أوله توهن
(Dlat) Dlalalah neu peusisat uleh Tuhan
ايمان ڠن طاعت ۑن علامة صفة جمال
Iman ngon thaat nyan alamat sifeuet jamal ۑن علامة كظاهران صفة جلال
Nyan alamat keulaheran sifeuet jalal
كفر معصية ۑن علامة تندا چلا كا
Kupho maksiet nyan alamat tanda ceulaka ( ط ) اشارة أوبك طَاعَةْ تندا بهڬيا
(Tha) isyarat ubak Thaat tanda bahgia
ايكوت لى كتا تندا بهڬيا فو بوة سورهن
Ikotle gata tanda bahgia peubuet surohan بتا ايڠت دوا علامة هى بديمان
Beuta ingat dua alamat he budiman
كبار ڠسى لم دنيا ڽي نبك همبا
Keu beurangsoe lam donya nyoe nibak hamba ( ظ ) اشارة أوبك ظالم بئ إِنْنَاىَ
(Zha) isyarat ubak Zalem bek enanya
كبرى كقصاص كجوك بالس فوارتا
Geubri keu Qishas geucok balaih Po areuta تا كوة ڬأمبل أورى فا كى عمل ڬتا
Takot geuambil uroe page ‘amal gata
يڠ هن رامبڠ جك فسنڠ أوبك ڬورو
Nyang han reumbang jak peuseunang ubak guree ( ع ) علمو مَعْرِفَة الله تفا تنتو
(‘In) Eleumei Makrifatullah tapeu teuntee
يڠ بِدْعَةُ ڠن ضلالة بواڠ أو ليكوة
Nyang bideu’ah ngon dlalalah buwang ulikot يڠ موافقة أهل السنة ۑن تاا يكوة
Nyang mupakat Ahli Sunnah nyan taikot
نبرى كَرَنُيَا دوم كهمبا تهت بَحْرُ الله
Neubri karonya dum keuhamba that bahrullah ( غ ) غَنِى توهنكو ربي كيا لمفه
(Ghen) Ghaniyun Tuhanku Rabbi kaya limpah
كنعمة توهن مابوق مومڠ دڠن معصية
Keu niekmat Tuhan mabok mumang deungon maksiet دوم كتاڽي لالى كدرى هن تاايڠت
Dum geutanyoe lale keudroe han taingat
توڠ عبارة بئلى لذة مالم أورى
Tueng ‘ibarat bekle lazat malam uroe ( ف ) فنا دوم سكلين ها بس بنسا
(Fa) Fana dum seukalian habeh binasa
فيله عمل يڠ جَتْ كبكل تباسا جن
Pileh ‘amai nyang jeuet keu beukai taba sajan
ايعت ٢ تكاموات هنا مجن
Ingat ingat teuka mawot hana meujan
فوبوة طاعة هاتى لذة مالم أورى
Peubuet thaat hate ladat malam uroe ( ق ) قُرْبَه بك فوت الله فهمفر درى
(Kaih) Qurbah bak Potallah peuhampe droe
نيفهون لم قبور هڠڬا تلالو سمفى بك تيتى
Niphon lam kubu hingga talalu sampe bak titi ۑن كبكل يڠ هن تڠڬل ڬتا هن چرى
Nyankeu beukai nyan han tinggai gata han cre
ۑن تاسبت ايڠت معبود توهن اسَا
Nyan taseubut ingat makbud Tuhan Asa ( ك ) كلمه ذ كر الله بئتا لوفا
(Keueh) Kalimah zikerullah bekna lupa
تفو مسرا ايلير اير متا فنوه لمفه
Tapeu meusra ile ie mata peunoh limpah
هڠڬا مجمفور سبوة كلمه اسَىْ ڠن داره
Hingga meujampu seubut kalimah asoe ngon darah
دوم كتابى عُه متمڠ ڠن فوت الله
Dum geutanyoe ‘oh meuteumeung ngon Po Tallah ( ل ) اشارة لِقاء الله فكرى حيلة
(Lam) Isyarat liqa Allah pakri ilah
توهن نحكم دڠن شرع كن ڠن رسم
Tuhan neu hukom deungon Syar’ak kon ngon reusam دوشا لاتهت تكرجا أورى مالم
Deesya lethat takeureuja uroe malam
هنئك هڠڬا نعمة متا لائن سكلين
Han ek hingga niekmat mata laen seukalian ( م ) اشارة أوبك مِنَة نعمة توهن
(Mim) Isyarat ubak minat niekmat Tuhan
اكن نعمة فرى جى قيمة شكر بك درى
Akan niekmat proe ji kimat syuko bak droe هنا دافت جى مقابله أوليه برڠسى
Hana dapat ji muqabalah uleh beurangsoe
فڠهولو نبى يڠ مولا برى شفاعة دودي
Panghulee Nabi nyang mula bri syafa’at dudoe ( ن ) نِيَه بك شربعة تبڠسا دري
(Nun) Niet bak syari’at tabangsa droe
نبى ڬتابى يڠ كهن دودى َأُمَّتى ٢
Nabi geutanyoe nyang kheun dudoe ummati-ummati دوم أنبياء نكهن دمحشر نفسى ٢
Dum Ambiya neukheun di Mahsya nafsi-nafsi
أورى مالم عمر كارم دالم روڬو
Uroe malam umu karam dalam rugoe ( و ) وَلَهان سايڠ انسان دالم لالى
(Wee) Walahan sayang insan dalam laloe
مى مريب٢ ساڠت غريب هنڬج لا ڬو
Moe meureb-reb sangat ghareb han got lagee عه كبڠكيت متاجى اليت تندوق أولو
‘Oh geubangket mata ji ilet tunduk ulee
كبارڠسى يڠ نكهنداق برى مأيمان
Keu beurangsoe nyang neu kheundak bri meu-Iman (ه) هِدَايَه نبك الله فنجوك جالن
(Ha) Hidayah nibak Allah peutunyok jalan
نكهنداق فظاهر صفة جَمَلُ كائلؤ كن
Neu kheundak peulahe sifeuet Jamal keuelokan دڠن حكمة نبري هداية أوليه توهن
Deungon Hikeumat neubri Hidayah uleh Tuhan
ين فليت يڠتراڠ چهيا فڠس جالن
Nyan peulita nyang trang cahya peungeuh jalan ( لاء ) لَاإلهَ إلا اللهُ أمبل كتولن
(Lam Aleh) Lailaha illallah ambil keu taulan
داس تكالن جالن لم كلم ڬلب ڬليتا
Deueh takalon jalan lam klam glap gulita فري تأمبل ۑن كتولن أوله ڬتا
Proe taambil nyan keu taulan uleh gata
دنيا أخرة نبري سلامة كامو دومنا
Donya akhirat neubri seulamat kamoe dumna ( ى ) يا الله ياتوهنكو نفلهرا
(Ya) Ya Allah Ya Tuhanku neu peulahra
كامى سمفى دالم نڠڬرى دار السلام
Kamoe sampe dalam nanggroe Darussalam بركة شفاعة نبي محمد سيد ا لانام
Bereukat syafaat Nabi Muhammad Saiyidil Anam
بئ مۑسل أورى دودى نبك توهن
Bek meunyeusai Uroe Dudoe nibak Tuhan ( چ ) چابة دري نبك دوشا سكلين
(Ca) Cabat droe nibak deesya seukaliyan(?)
سمتران كهلوم داتڠ اڠن بارات
Seumeutaran gohlom datang angen barat
نفو فنوه كفل عمل دوم بسَارات
Neu peupunoh kapai ‘amai dum beusarat
تفا سيكرا ديلو بك بوڠكا كوه كفڠڬل
Tapeu sigra dilee bak bungka goh geupangge ( د ) دڬاڠن بكل سفر دوم فحاصل
(Dai) dagangan beukai safa dum peuhase
اڠن باراة رايا باكة عه جن طوفن
Angen barat raya bakat ‘ohjan topan
هِمَّه بتهت فتكوه الت فرلَا يران
Himmah beuthat peuteugoh alat peulayaran
عمل هنا دوق لم دنۑا هن تامينه
‘Amal hana duek lam donya han taminah ( ڠ ) ڠاف اڠكو هَنْدَى تولن هنا ڬنده
(Nga) Ngpa engkau handai taulan hana gundah
دالم بومى دوم كفاسى سنن ڬا كبه
Dalam bumoe gum geupasoe sinan geukeubah فدوم ٢ توبه سملا كو جروه تهت انده
Padum2 tuboeh samlakoe jroh that indah
هادف متا هاتى كتا بك ذات تو هن
Hadap mata hate gata bak Zat Allah
( ڤ ) فدوم اڠكو ذات تو بهم سكا لين
(Pa) Padum engkau zat tubuhmu seukalian
أوبك أصل عَدَمُ مَحَضُ ديلو جادى
Ubak asai ‘adam mahadlu dilee jadi
مثل كتيكا داتڠ لۑف توبه كمبالى
Miseue keutika datang leunyap tuboeh keumbali
تن فائده عهكا سده هيلڠ ۑاوا
Tan paidah ‘ohka sudah hilang nyawa
( ڬ ) ڬالَلَهُ كتا فايه همفون ارتا
(Ga) Geu Allah gata payah himpon areuta
مقصود تن حاصل أوري فا كى دالم جهنم
Makeusud tan hase uroe page lam Jahannam چيت فنجڠ اڠن ٢ أورى مالم
Cita panyang angan2 uroe malam
لم فنداڠن أورڠ عَارِفْ امفوث شهود
Lam pandangan ureueng ‘Areh empunya syuhud ( ث )ۑتا الله توهن يڠ اساواجب الوجود
(Nya) Nyata Allah Tuhan Nyang Asa wajibul wujud
هنا لائن سبا ڬيڽ يڠ مَقْصُودْ
Hana laen sibagoenya nyang makeusud
ۑن كتوهن قَدِيمْ سودِيَ سدرى مَعْبُوْد
Nyankeu Tuhan qadim saudi sidroe makbud
يڠ مناسبة بك عبارة أورڠ عوَامْ
Nyang meunasabat bak ‘ibarat ureueng ‘awam معنى اشارة رَمُوزْ حرف عهنى تمام
Makna Isyarat rumuz harah ‘ohnoe tamam
علمو وَهْبى فهم فى زا كى عقل تاجم
“Eleumei Wahbi pham pizaki akai tajam
بك أورڠ عارف لاتهت لافس معنى دالم
Bak ureueng ‘Areh lethat lapeh makna dalam
جد بهڬيا سى يڠ بچا معنا جى فهم
Jeuet bahgiya soe nyang baca makna jipham ممدا دومنى بك كتاڽى سابه ماجم
Meumada dumnoe bak geutanyoe saboh macam
رُمُورْ حرف هن جى أوبه جى فكارام
Rumuz harah han jiubah ji peukaram
جتوڠ عبارة بن كسبوة دالم نَظَمْ
Jitueng ‘ibarat nyan geuseubut dalam Nadham
تمر صلوة اتس نبى سَيِدُ اُلْأَ نَامَ
Teuma seulaweuet ateueh Nabi Saiyidul Anam الحمد الله كاكسده نظم تمام
Alhamdulillah kakeu sudah Nadham tamam
وصل الله على سيِدنا محمد وعلى آله وصحبه وسلم
Washallallahu ‘ala Saiyidina Muhammad wa ‘ala alihi wa shahbihi wa sallam
( تمت فدا ٢٣ رجب الفرد ١٣٤٤ كوتاراجا آچيه )
(Tamat pada 23 Rajab alfard 1344 Kuta Raja-Aceh)
---------------------------------
Geusalen Le Tgk TA Sakti
0 Comments